Adrián Irago

Bashar Alale, nova vida en europa

Bashar Alale é un mozo sirio de 25 anos que en agosto de 2015 abandonou De Maarat an Numan, a súa cidade natal, para poñerse a salvo da cruenta guerra civil que desde hai máis de 6 anos líbrase en Siria. Como tantos outros, fíxoo só e movido pola desesperación e a procura dun futuro en paz.

Cruzou o mar Exeo en bote desde Turquía ata a costa grega e percorreu a ruta dos Balcáns ata Rostock, Alemaña, onde actualmente vive nunha residencia reconvertida en centro de acollida para refuxiados. ‘Na viaxe xogueime a vida, pero mereceu a pena‘, confesa. Tivo sorte, só uns meses despois pecharon as fronteiras tras o acordo da Unión Europea con Turquía en marzo de 2016.

Desde hai máis de 1 ano convive con outros 200 refuxiados na residencia HBWR nos arredores de Rostock. Todos os días acode a unha escola pública para aprender alemán, o dominio do idioma é indispensable para atopar traballo ou acceder á universidade e así terminar os seus estudos de enxeñería. ‘Son feliz aquí, coñecín a moita xente e a cidade é preciosa, pero rezo para que a guerra termine e poida volver reencontrarme coa miña familia‘.