Helga Méndez

Helga Méndez García

Sempre foi unha persoa inqueda.

Xa de nena o que quería era bailar, pero tamén lle gustaba cantar e debuxar, e lía todo o que caía nas súas mans. Ao entrar no instituto, coñeceu a unha profesora de Literatura que lle fixo o regalo máis querido: a súa vocación teatral.

A partir dos 80 estuda cursiños de teatro e participa en todas cantas formacións de teatro amadoras e estudiantís atopa en Ferrolterra.

Cursa no Taller de Teatro Municipal de Ferrol e no de Narón nos primeiros anos 90, coa actriz e autora teatral Fusa Guillén, coa que colabora e traballa desde entón. Por eses anos ten o seu primeiro contrato profesional coa compañía coruñesa Títeres Falcatrúa co espectáculo para adultos “Caleidoscopio”.

Empeza a dirixir a grupos de teatro amador para distintas entidades culturais, centros de ensino e administracións públicas de Ferrol e fóra de Ferrol. Imparte Talleres de Teatro, Técnicas de Interpretación e Improvisación, Voz, Teatro de Creación, Dramatización para concellos e entidades culturais da comarca de Ferrolterra e a Aula de Teatro da Universidade da Coruña. Traballa e colabora como actriz en Bartoleta Teatro, Estudio de Teatro N+1, Vilano Produccións, Maquinarias Teatro, Comediants…